Түндүк Кореянын өкмөттүк маалымат каражаттары бүгүн тараткан маалыматка караганда, Түштүк Корея жакында жаман провокация уюштуруп, деңизде жүргөн түндүк кореялык кемеге каршы ок атты жана түндүк кореялык суучулдардын сабырдуулугунан гана аскерий кагылышуу болуп кеткен жок. Түштүк Кореянын аскерий жетекчилигинин 1-ноябрда тараткан кабарына караганда болсо, түндүк кореялык кемелер суу мейкиндигиндеги чек араны бузгандыктан, аларды артка кайтаруу үчүн асманга ок атылган.
