“Ислам армиясынын” шарты аткарылбады

Ооганстанда Улуттар Уюмунун үч кызматкерин уурдап кеткен “Жайиш–и–Муслимин” тобу мурдакы талабын өзгөрттү.

Куралдуу топ чет элдик аскерлер менен эларалык уюмдардын шаршембинин таңына чейин Ооганстандан чыгып кетүүсүн, ошондой абактагы талиптерди жана “ал-Каидачыларды”, ага катар алардын Гуантанамо түрмөсүндө отурган мүчөлөрүнө эркиндик берүүнү талап кылышкан эле.

БУУнун кызматкерлери өткөн жумада ууралган.
Өзүн “Ислам армиясынын” өкүлү деп атаган Саед Мухаммад Акбар Ага шарттын мөөнөтү бүгүн кечке чейин узартылганын билдирди.