Европа Кеңешинин жаңы төрагасы болуп шайланган Польшанын тышкы иштер министри Влодзимеж Цимошевич кечээ күнү Страсбургдан атайын билдирүү жасап, президент Александр Лукашенканын бийлиги алдында Беларус дүйнөлүк коомчулуктан таптакыр обочолонуп калбашы үчүн чара көрүлүүгө тийиш деп жарыялады. Ошол эле учурда, Цимошевичтин айтымында, Лукашенканы колдоо катары бааланышы мүмкүн болгон аракеттер болбош керек.
