Украинанын бийликтери 1800дөй шаар-кыштакта бороондун айынан электр өчүп калганын маалымдашты. Москвада аэропорттор убактылуу жабылды. Австрияда кар учурган бороондон улам миңдеген турак-жай, мекемелер жарыксыз деп табылды. 30см ден жогору кар жааган Грац шаарында Австриянын түндүгү менен түштүгүн бириктирген канжолдо кыймыл токтоп калды. Германиянын түштүк тарабындагы Бавария чөлкөмүндө калың кар менен тоңгон муздун айынан жолдордо автокырсыктар көбөйгөнү кабарланууда.
