Бириккен Улуттардын Баңги заттар жана кылмыштуулук боюнча башкармалыгынын деректири Антонио Марио Коста кечээ күнү Вена шаарында Европадагы коопсуздук жана кызматташуу уюмунун жыйынында чыгып сүйлөп, Ооганстандагы апийим өндүрүшү быйыл 64 пайызга жогорулаганы тууралуу билдирди. Анын айтымында, быйылкы апийимдин баасы эки миллиард 800 миллион долларга барат, ошондуктан Борбор Азиялык жумурияттардын аймагы аркылуу контрабанда көбөйүшү мүмкүн.
