Ирактын убактылуу өкмөтү, чет элдик элчиликтер жайгашып, катуу кайтарууга алынган аймактын кире беришинде – аймак Багдадда жайгашкан – автомашинага коюлган бомбадан бүгүн эртең менен жети тургун каза тапты. Кечээ Анбар провинциясындагы эки башка капилет кол салуулардан америкалык эки деңиз аскери набыт болду. Жекшембиде АКШнын аба күчтөрү Фаллужа шаарындагы козголоңчулардын уюктарына чабуул жасады. Бүгүн болсо - Ирактын мурдагы президенти Саддам Хусейин Тикрит шаарына жакын жерде колго түшкөнгө бир жыл толду.
