Белграддагы коомдук транспорт компаниясына кечээ кечинде үч куралчан киши кол салып, 347 миң АКШ долларына барабар суммадагы акчаны карактап кетишти. Полиция шаардык транспорт компаниясынын күзөтчүлөрү күтүүсүз кол салууга каршылык көрсөтө албай калганын, уурдалган акчанын көбү ишканада иштеген адамдардын эмгек маянасы болгонун билдирди. Бул окуядан улам Белграддын полициясы шаардан кеткен жолдорду бууп, өткөн түнү бардык шектүү унааларды токтотуп текшерип жатты. Тергөө иштери жүрүп жатат.
