БИШКЕК. 22-январда Жапониянын Кобэ шаарында Бириккен Улуттар уюмунун алкагында жаратылыш кырсыктарын кыскартуу боюнча эларалык конференция өз ишин аяктады. Жыйында Экология жана өзгөчө кырдаалдар министри Темирбек Акматалиев Кыргызстандагы уулу заттар көмүлгөн жайлардын абалы жана аларды табигый кырсыктардан алдын алуу, коркунучтуу жайларда жашаган адамдарды башка жакка көчүрүү, мобилдик кичи-завод куруу тууралуу долбоорлорду сунуштады. Долбоорду ишке ашыруу үчүн 160 млн. АКШ доллар жумшалат. Бул тууралуу Экология жана өзгөчө кырдаалдар министрлигинин басма сөз кызматынан билдиришти.
