Украинанын башкы прокурору Святослав Пискундун айтымында, өлкөнүн премьер-министрлигине көрсөтүлгөн Юлия Тимошенкого каршы мурда ачылган бардык кылмыш иштери жабылды. Ал мурда газ контракттарын түзгөндө орусиялык жогорку жетекчилерге пара берген деп күнөөлөнгөн, бирок далилдер жетишсиз болгондуктан, Жогорку сот ишти кароодон баш тартып келген. Орус прокурорлорунун айтымында болсо, Тимошенкого каршы Орусияда ачылган иштер жабыла элек.
