Кувейттин ички иштер министрлиги полиция төрт кишини атып өлтүрүп, куралдуу топтун сүрөөнчү-кеңешчисин камакка алгандыгын билдирди. Атышуунун мезгилинде бир бейкүнөө киши ажал таап, дагы эки куралчан колго түшкөнү кабарланууда. Бул үстүбүздөгү айдагы исламчы согушчандар аралашкан төртүнчү кандуу кагылыш болуп калды. Исламчылар Кувейтте америкалык аскерлердин турушуна каршы. Өкмөт аларды террористтер деп эсептейт.
