ТАЛАС. №56 Карабуура шайлоо округу боюнча депутаттыкка талапкерлердин шайлоочулар менен жолугушууларында ушундай кооптонуу айтыла баштады. Адистердин айтымында, чет элдик фирмалар сатып алган төөбурчакты ташып кетүүгө келген айдоочулар, чет элдик ортомчулар жеке менчик үйлөрдө, мейманкаларда жашап, ушундай коркунучтун себепчилери болушууда. СПИДке чалдыгуу жагынан эң кооптуу деп эсептелген Казакстандын Чимкент, Жамбул облустары менен чекаралаш Карабуура, Манас райондору тобокелдүү аймакка айлангандыгын Үй-бүлөнү пландаштыруунун кыргыз ассоциациясынын Талас бөлүмүнүн адистери да ырастап жатышат.
