БИШКЕК. Кыргызстандын аткаруу бийлиги “Манас” аба майданына АКШнын эң ири радиустагы чөлкөмгө абадан байкоочулук кылууга жөндөмдүү AWACS системасындагы аскерий учактарын жайгаштыруу сунушуна макул болгон жок. Бул тууралуу 14-февралда Тышкы иштер министри Аскар Айтматов журналисттерге билдирди. Министрдин айтымында, АКШ буга чейин жогорудагыдай сунуш менен Кыргызстандын аткаруу бийлигине кайрылган жана кыргыз бийлиги өзүнүн аскерий өнөктөш өлкө жетекчилери менен акылдашып көрүп, АКШнын мындай сунушуна макул болгон эмес.
