Ливандын мурдагы премьер-министри бомба чабуулунан курман болду

Бейруттун ортосунда бүгүн болгон күчтүү бомба жардыруусу тогуз кишинин, анын ичинде Харири, анын бир нече күзөтчүсүнүн да өмүрүн алды. 100дөй адам жарадар болду. Жарадарлардын ичинде Ливандын мурдакы билим берүү министри Самир ал-Йиср жана мурдакы экономика министри Басел Флайхан да бар.

Автомобилге коюлган бомба жарылган кезде Рафик Харири мотоэскорттун коштосунда бараткан. Коңшулаш Сириянын президенти Башар ал-Асад чабуулду “кылмыш акты” деп айыптады. Франциянын президенти Жак Ширак бомба чабуулуна байланыштуу эл аралык изилдөө өткөрүүгө чакырды.