БИШКЕК 15-февралда Бишкектин 10-кичи районунда ипотекалык алгачкы үйдүн пайдубалы куюлду. Ага президент Аскар Акаев катышып, бул үй менен быйылкы турак-жай курулуш жана социалдык туруктуулук жылындагы жакшы иштер башталгандыгын билдирди. Президенттин айтымында, 56 квартиралуу ал үй жыл аягына чейин курулуп, мугалим, врач жана бюджеттик мекеме кызматкерлерине берилет. Квартира ээлерине акчасын үч жылдын ичинде төлөө мүмкүнчүлүгү берилет. Ал эми курулушка “Кумтөр” алтын компаниясынын акцияларын сатуудан түшкөн 87 миллион доллардын бир бөлүгү сарпталат.
