Жорж Буш кечээ немец канцлери Герхард Шрөдөр менен сүйлөшүү өткөрдү. Майнц шаарындагы жолугушууда бир катар маселелер,алардын ичинде Ирандын атомдук программасы жөнүндөгү проблема да талкууланды. Жорж Буш Ирандын ядролук куралы болбошу керектигин, тынчтык жана коопсуздук таламы ушуну талап кыларын белгиледи. «Эгер Германия,Франция жана Британия ушу багытта биргелешип иштеше турган болсо, анда биз бу максатка жетебиз» деп кошумчалады Буш.
