Алардын басымдуу көпчүлүгү албандар. Эл аралык кызыл чырым уюму тактаган бул маалымат менен Сербиянын бийликтери ырасмий түрдө макул болду. Сербиялык ырасмий өкүлдөр косоволук албан жамааты менен биринчи мерте сүйлөшүүлөрдү өткөрдү. Бул окуяны кызыл чырым уюму маанилүү кадам деп баалады. Уюмдун өкүлдөрү дарексиз жоголгондорду издеп, алардын тагдырын аныктоодо биргелешкен аракеттер зарыл экенин, бу болсо провинциядагы албан жана серб жамааттарынын арасын кайра жакындатканга өбөлгө болорун белгилешти. Косоводогу согуш 1999-жылы НАТОнун операциясынан кийин басылган.
