Ватикандын акыркы маалыматтарында рим-католик чиркөөсүнүн башчысы өлүм оозунда жатканы айтылган эле. Өткөн түнү кан басымы ого бетер ылдыйлап, жүрөгү араң эле согуп калды, бөйрөгү иштебей калды. Миллиондогон католиктер, тарса дининдеги башка мазаптардын өкүлдөрү Иоанн Павел IIнин өмүрүн кудайдан тилеп,табынып жатышат. Бүгүн да таңкы үрүң-бараңдан тартып Римдеги Ыйык Петр аянтына миңдеген адамдар чогулушту. Рим папасы быйыл сексен төрт жашта. Рим-католик чиркөө башчылыгына ал 1978-жылы шайланган.
