Тегеран уранды байытуу программасын улантышы мүмкүн

Иран-Евробримдик ортосундагы жума күнкү сүйлөшүүлөр ийгиликсиз аяктаса, Тегеран уранды байытуу программасын кайра улантат.
Мындай билдирүүнү Ирандын тышкы иштер министри Камал Харрази нидерландиялык коллегасы Бернард Бот менен Гаагагада жолуккан соң жасады.
Британия, Германия жана Франция Иранды уранды байытууну токтотууга чакырып, анын акысына экономикалык жана башка жардам берүүнү сунуш кылып келет.
Иран-Батыш сүйлөшүүсү маанилүү экенин, Иранга сокку уруу акылсыздык болоорун Индияда сапарда жүргөн БУУнун башкатчысы Кофи Аннан билдирди.