Жума күнү Эстониянын Пряну шаарында аяктаган Балтия ассамблеясы ушундай чакырык камтылган билдирүү кабыл алды. Балтиялык өлкөлөрдүн парламент мүчөлөрүнөн турган бу ассамблея дүйнөлүк экинчи согуштун бүтүшү Эстонияга, Латвияга жана Литвага эркиндик, көз карандысыздык алып келбегендигин эске алып, Россия коммунисттик жылдардагы оккупацияны таанышы керек жана анын ордун толтуруп берүүнүн мүмкүндүгүн табууга тийиш деп эсептейт. Эстония менен Литванын президенттери жеңиштин 60 жылдык мааракесине байланышкан Москвадагы салтанаттарга катышуудан баш тартышкан.
