Тайвандын оппозициялык Гоминдан партиясынын жетекчиси Лиен Чан бүгүн Кытайда өзү туулган Сиан провинциясына келди: "Сиан - менин туулуп-өскөн жерим, мен бул жерден сегиз жашар кезимде кеткем", - деди Лиен. Кечээ күнү Лиен Бээжин шаарында Кытай төрагасы Ху Цзинтао менен жолукту. Гоминдан партиясы Кытайды ХХ кылымдын биринчи жарымында башкарган жана 1949-жылы бийликке коммунисттер келгенде, анын жетекчилиги Тайван аралына качып, ал жерде өз алдынча мамлекет түзгөн.
