55 кишиден турган комитетке өлкөдөгү бардык улуттук жана диний тайпалардын өкүлдөрү кирди. Багдаддын борбордук бөлүгүндө бүгүн дүрмөттөлгөн жеңил машине жарылып, кеминде жети киши мерт болуп, 20дай адам жараат алды. Ирактын ички иштер министрлиги жардыруу – ошол маалда жолдо өтүп бараткан Америкалык аскердик кербенди бутага алган деп билдирди. Жардыруудан аскерлер жабыр тарткан жок, тегерегиндеги бир нече унаа кыйрады. Ага удаа Багдадда дарыя жээгинде дагы бир машине жардырылды, ал кандай зыян алып келгени азырынча белгисиз.
