БИШКЕК. Конституциялык кеңешменин толук курамынын кезектеги жыйыны он экинчи майда Бишкекте өткөрүлдү. Бул күнкү жыйында өлкөнүн сот бийлигинин ыйгарым укуктарын аныктоо боюнча долбоор сунушталды. Жаңы сунушка ылайык өлкөдө келечекте Жогорку жана Конституциялык соттор болот жана алардын ыйгарым укуктары жогорулатылат. Бул күнкү отурумда ошондой эле Орусия менен кош жарандуулук киргизүү сунушу талкууланды. Бул маселер боюнча кеңешменин катышуучулары бир пикирге келе алышкан жок. Жыйын соңунда аталган маселелер боюнча талкуу Кеңешменин жумушчу тобунунун отурумунда улантыла турган болду.
