БИШКЕК. Президенттин милдетин аткаруучу, премьер-минстр Курманбек Бакиев 18-майда Тажикстанга иш сапары менен барат. Делегациянын курмында Тышкы иштер министринин милдетин аткаруучу Роза Отунбаева жана башка өкмөт мүчөлөрү бар. Тышкы иштер министринин КМШ өлкөлөрү боюнча башкармалыгынын жетекчиси Муратбек Азимбакиевден алынган маалыматка караганда, иш сапапры учурунда Курманбек Бакиев Тажикстандын мамлекет башчысы Эмомали Рахманов менен жолугушат. Жолугушуу учурунда эки тараптуу кызматташтыкты чыңдоо маселеси талкууланат.
