Москвада "Алтын жүрөк" деген эл аралык сыйлык тапшырылды

Адамзаттын эң жогорку асыл-нарктары менен идеалдарына кызмат кылгандыгы үчүн тапшырылуучу бул сыйлыкка быйыл беш адам татыктуу болду, алардын арасында 23 баланы асырап алган Родиндердин үй-бүлөсү, Улуттар уюмунун Баш катчысынын өкүлү, 2003-жылы Багдаддагы терактта курман болгон маркум Сержио Виерра ди Меллу да бар. Сыйлыктарды тапшыруу аземине атактуу киноактриса Софи Лорен жетекчилик кылууда. Сыйлыктар оорулуу балдарды дарылоого каражат топтоо максаты менен түзүлгөн "Өмүр жолу" аттуу соопчулук уюмунун программасынын алкагында ыйгарылды.

Эл аралык соңку кабарларды Прагадан Баян Жумакадыр кызы даярдады