БИШКЕК. 15-июнда Борбордук шайлоо комиссиясынын отурумунда президенттикке талапкерлерге Улуттук телерадио корпорациясынан бекер теле жана радио эфир берүү маселеси каралды. Анда жеке чыгып сүйлөгөн талапкерге 30 минут телеэфир жана 30 минут радиоэфир берилет. Ал эми теледебаттарга 20 минут, басма сөздөргө машинкага басылган 2 барак көлөмүндөгү талапкердин кайрылуусу басылат. Президенттикке талапкерлер Улуттук теле берүүгө 27- июндан 3-июлга чейин чыга алышат. Жарнаамалык кыска көрсөтүүлөр 20-июндан 8-июлга чейин көрсөтүлөт.
