Ташкендеги америкалык "Интерньюс" уюму бүгүн тараткан маалыматка караганда, анын эки кызматкерине каршы кылмыш иштери ачылды. Уюмдун Өзбекстан боюнча мурдагы деректири жана бухгалтерге каршы дүйшөмбү күнү - жашыруун видео тартып, аны жарыялаган деген күнөө коюлду. Эгер күнөө сотто такталса, алар алты айга чейин эркинен ажыратылышы мүмкүн. Укук министрлиги болсо уюмга кайрылып, жергиликтүү юристтерди окутпай, "Вестник" деген гезитин чыгарууну токтотуп, Наманган шаарындагы өз өкүлчүлүгүн жабууну талап кылды.
