БИШКЕК. Парламентке университет округу боюнча талапкерлерди каттоо 1-сентябрга чейин болот. БШК маалымат кызматы билдиргенге караганда, азырынча талапкер катары катталуу ишине эч ким кирише элек. Шайлоо кодексине ылайык, шайлоодо мыйзам бузууларга, бурмалоолорго барды деп табылган тарап гана кайра шайлоого катыша албайт. Бул округда экинчи турга чыгып, Бермет Акаевага уттурган Болот Марипов “Азаттыкка” бул округдагы кайра шайлоого катышам деп билдирди. Азырынча ага атаандаш болуп кимдер чыгаары белгисиз. Бул округда шайлоо 18- сентябрда өтөт.
