БИШКЕК. Өкмөт «Кыргызстандын аймагында убакытты эсептөөнүн тартиби жөнүндө» токтом кабыл алды. Ага ылайык саатты жайкы мезгилге өткөрүү практикасы токтотулду. Убакытты эсептөө тартиби 2005-жылдын 27-мартында өзгөртүлгөн бойдон калат. Мындай токтом Борбор Азия өлкөлөрү ичинен Кыргызстанда гана «жайкы мезгилге» өтүү тартиби калганына жана анын адамдардын ден соолугуна терс таасир тийгизгендигине байланыштуу кабыл алынган. Бул тууралуу өкмөттүн маалымат кызматынан кабарлашты.
