БИШКЕК. Президенттин жардыгы менен Улуттук гвардиянын башчысы Абдыгул Чотбаев, өлкөнүн улуттук коопсуздук кызматынын төрагасынын биринчи орун басары Токон Мамытов жана аталган кызматтын чекара аскерлеринин кол башчысынын орун басары Алыбай Кайыпов ээлеген кызматтарынан бошотулду. Жардыкка Бишкек шаарында 17-июнда болуп өткөн массалык тартипсиздиктердин себептерин иликтөө боюнча мамлекеттик комиссиясынын жыйынтыктары жөнүндө маселени караган Коопсуздук кеңешинин 24-августундагы чечимине ылайык кол коюлду. Бул тууралуу 27-августта президенттин маалымат кызматынан билдиришти.
