Ооганстандын ички иштер министри Али Ахмад Жалали кызматтан кетүү ниетин жарыя кылды. Буга чейин анын президент Хамид Карзай менен кадр маселеси боюнча тил табыша албай жаткандыгы жана айрым мамлекеттик кызматкерлердин баңги соодасына аралашып кетти деп айткандыгы кабарланган. Ал эми министрдин өкүлү Жалали кызматынан өз каалоосу менен кетип жаткандыгын билдирди. Жалали АКШда 20 жыл жашап, Ооганстанга 2002-жылы кайтып келген.
