БИШКЕК. “Манас” аба майданындагы «Ганси» эл аралык антитеррордук базасы менен кыргыз өкмөтүнүн ортсунда узак мөөнөттүү келишим бар. Аталган келишимге ылайык, өзгөчө кырдаал учурда, учкучтардын өмүрүн сактоо максатында, «Ганси» аскер базасынын учактары күйүүчү майды абадан төгүп жиберүү макулдашылган. Бул тууралуу АКШнын Кыргызстандагы элчиси Мари Йованович экология жана күтүүсүз кырдаалдар министрлигине жазган катында билдирилген. Үстүбүздөгү жылдын 24-25-сентябрь күндөрү Эл аралык аскер күчтөрүнүн учактары тарабынан абадан баш аягы сексен тонна күчүүчү май Кыргызстандын аймагына төгүлгөн. Мындай маалыматты «Ганси» аба базасынын жетекчилиги «Азаттыктын» кабарчысы менен болгон маегинде тастыкташкан.
