Соттолуп жаткан Ирактын мурдагы президенти Саддам Хусейндин адвокаттарынын бири өлтүрүлгөндөн кийин өлкөдө кошумча коопсуздук чаралары көрүлүүдө. Сот Багдад шаарында 19-октябрда башталып, ошол эле күнү 28-ноябрга чейин токтотулган. Анын эртеси болсо Саддамдын бир адвокаты барымтага алынып кетип, жыйырма биринде анын денеси табылган. Ички иштер министринин орун басары генерал Хусейн Али Камал бүгүн билдиргенге караганда, кошумча коопсуздук чаралары көрүлө баштады.
