БИШКЕК. 9- мартта Анкара шаарында Кыргызстандын Түркияга болгон 47 миллион доллар карызын жеңилдетүү боюнча келишимге кол коюлду. Бул карызды Кыргызстан алдыдагы 33 жыл ичинде бөлүп- бөлүп төлөйт. Алгачкы 3 жылга жеңилдиктер берилди. Бул келишимге Париж клубу менен 2005- жылы март айында жетишилген макулдашуулардын негизинде кол коюлду. Кыргызстандын тышкы карызы учурда 2 миллиард долларга чукулдап калды.
