Бул туурасында даттануучу тарап “Азаттыкка” 20-октябрда кабарлады. Мамат Орозбаевдин сөзүнө караганда, ал № 39 Куршаб округундагы шайлоодо эки ирет таза утуп, кадимкидей мандатын алып парламентте отурганына карабай анын ордун Жогорку сот биринчисинде Адахан Мадумаровго, экичисинде азыркы парламентарий Санжар Кадыралиевге мыйзамды бузуп тартып берген. “Мыйзамдуулук” бейөкмөт уюмунун башчысы Абдыкаим Кангелдиев азыркы бийлик Акаевден да ашып түшкөнүн ачык сындап, жарандардын укугун көз көрүнө тебелеп жаткандыгын авторитаризмдин жышааны катары баалады. (ATo)
