“Интербилим” бейөкмөт уюмунун жетекчиси Асия Сасыкбаева Референдумда бир катар мыйзам бузуулар болгонун “Азаттыкка” маалымдады. Анын айтымында, Референдумга БШК маалымдагандай элдин 80,64 пайызы катышкан жок. “Биздин эсебибиз боюнча добуш берүүгө калктын 36 пайызы гана катышты”,-деди Рефрендумга байкоочу катары көзөмөл салган Сасыкбаева. Анын пикиринде, эгерде мурдагы бийлик Референдумдарда мыйзам бузууларды көрсөтпөй жасаганга аракет кылса, азыркы бийлик бул нерсеге ачык эле барууда. “Бардык мыйзам бузуулар бизде документ жүзүндө катталды жана аларды далилдеп бергенге даярбыз”,-деп кошумчалады А. Сасыкбаева. (ZMa)
