Бул тууралуу “Азаттыкка” аксылыктардын адвокаты Сартпай Жайчыбеков маалымдады. Бишкек гарнизондук аскер соту бул ишти Жалалабат шаарында ушул айдын башында карап баштаган. Өткөн аптада тараптарга жарыш сөз берилген. Анда башкы прокуратуранын өкүлү Арстан Аракеев соттон ички иштер министринин мурдагы орун басары Садырбек Дубанаевди он, облустун мурдагы прокурору Зоотбек Кудайбергеновду жети, облустук милициянын мурдагы башчысы Кубанычбек Токобаевди он бир жылга эркинен ажыратууну суранган. Сот башталгандан бери жалпысынан жыйырмадан ашуун адам күбө катары көрсөтмө берди. (ZMa)
