Президент Курманбек Бакиев менен жолугушуудан кийин маалымат жыйынын өткөргөн Сергей Лебедев мына ушинтип белгиледи. Анын айтуусунда жакында эле Тажикстанда өткөн КМШ өлкөлөрүнүн мамлекет башчыларынын саммити Шериктештиктин келечеги жок деген сөздөрдү четке какты. Күзүндө Бишкекте өтүүчү саммиттин негизги маселеси – транспорттук байланыштын түрлөрү: темир жол, авиация, автоунаа жана жол курулуштары боюнча бир катар долбоорлор түзүлө баштагандыгын кабарлады Сергей Лебедев. (ZKo)
