Ички иштер министрлигинин маалыматына караганда, уюшкан кылмыштуу топтун мүчөсү "Барскоон" жоопкерчилиги чектелген ишкана жетекчилигинен 22 миң сом алып жаткан жеринен кармалды. Ал кирешенин эсебинен 35 миң доллар талап кылган. Ал эми Энергосбыт ишканасынын бөлүм башчысы өз карамагындагы кызматкердин пайдасы үчүн Октябрь райондук ички иштер кызматкерине 1500 доллар пара сунуш кылганы үчүн кармалды. Кызматкер «Мишел» сулуулук салон кызматкеринен электр энергиясын туура эмес пайдалангандыгына ооз басырык иретинде 1000 сом алып жаткан жеринен кармалган. (BuS)
