ЖАЛАЛАБАТ. Шаардагы үйлөрдүн биринен чыккан өрттөн улам чукул кырдаал министрлигинин 21 жаштагы кенже сержанты курман болду. Анын шериги өрттөн чыккан уулуу газга ууланган абалында ооруканага жеткирилди. Мындай маалымат тармактык министрликтин облустук бөлүмүнөн 28-ноябрында алынды. Алынган билдирүүлөргө ылайык өрт бузулган электр түйүнүнөн же өчүрүлбөй калган тамекиден чыккан болуу керек деген түкшүмөлдөр бар. Окуяга байланыштуу иликтөө иштери жүргүзүлүп жатат. (YA )
