Анда “Асабачылар” парламенттик шайлоого бойкот жарыялап, башка партияларды ага кошулууга чакырды. Кайрылууда мөөнөтүнөн мурда президенттик жана парламенттик шайлоону кайра өткөрүү талабын коюу маселеси да көтөрүлгөн. Ошондой эле Жогорку Кеңешке шайлоо алдында өлкө жетекчилиги, Борбордук шайлоо комиссиясы оппозициялык партияларга өтө күчтүү административдик ресурстарды колдонуп жатканы айтылат. “Бизге түзүлгөн оор шартта биз өз шайлоочуларыбызга өзүбүздүн программаларыбызды, багыт, максатыбызды жеткире албай жатабыз. Бийликтин сценарийи менен өтүүчү шайлоо компаниясында – бул утулуу дегенди билдирет”,- деп баса белгилейт “Асаба” партиясы өз билдирүүсүндө. (AJ)
