Чукул кырдаалдар министринин орун басары Бакир Жолчуев бүгүн 10 чакты эл аралык уюмдардын жана Кыргызстандагы айрым өлкөлөрдүн элчиликтеринин өкүлдөрү менен жолугушту. Анда БУУнун Кыргызстандагы өкүлдөрү уюм Италияга жалпы наркы 158 миң долларга барабар 120 чатыр сурап кайрылганын, ал жакын арада келээрин, ошондой эле уюм жылыткычтарды жана күйүүчү май сатып алуу үчүн 30 миң доллардан ашуун каражат бөлөөрүн билдиришкен. Министр орун басары Бакир Жолчиевдин «Азаттыкка» билдиргенине караганда, башка эл аралык уюмдар менен элчиликтердин өкүлдөрү да жардам көрсөтүүгө даяр экенин билдиришкен жана азык-түлүк, төшөнчү жана жылуу кийим-кечелерден турган мындай жардамдар бүгүн эле бериле баштады.(SM)
