Ушул жуманын шейшемби күнүнөн тарта “Мен ишенбейм...” акциясынын катышуучуларына каршы сот иштери Биринчи Май районунда каралып келди. Жалпысынан 11 кишиге Административдик кодекстин 371-392-беренелери боюнча мыйзамга жана милицияга баш ийбеген деген айып тагылып, жыйынтыгында алардын экөөсү “күнөөсүз” деп табылды, бирөө 2000 сомго, калгандары 1000 сомдон айыпка тартылышты. Анткен менен акциянын катышуучулары айып боюнча чечим менен макул эмес экенин айтып, эми Бишкек шаардык сотуна кайрылганы жатышат. Бул туралуу “Азаттыкка” акциянын катышуучуларынын бири Жоомарт Сапарбаев билдирди. (TD)
