УТРК директорунун мурдагы орун басары Бейшенбек Бекешовдун «Азаттыкка» билдиргенине караганда, ден соолугу начарлап кеткендигине байланыштуу Кыял Сабирахунова үйүнө кетти. Калган сегиз адам Бекешовдун үйүндө директор Мелис Эшимкановдун кызматтан кетишин талап кылган акциясын улантып жатышат. "Өкмөттүк комиссиянын сунушуна макул болгон жокпуз" деп билдирди бүгүн Бекешов. Кечээ УТРК чатагы боюнча түзүлгөн өкмөттүк комиссия тараптарды мунасага келүүгө чакырган. (BuS)
