Жогорку Кеңештин депутаттары бүгүнкү жыйында Борбордук шайлоо комиссиясынын мүчөлөрүн шайлашты. Алар Гүлнара Исабекова, Самат Бөрүбаев, Абдыжапар Бекматов, Чынгышбек Исмаилов, Алексей Елисеев жана Мирбек Жапаров. Шайланган талапкерлердин бардыгы тең “Ак жол” партиясынын өкүлдөрү. БШКнын мүчөлүгүнө Жеңиш Акматов, Акылбек Сариев сыяктуу оппозициялык маанайдагы адамдар да талапкерлигин коюшкан эле. Бирок алар тиешелүү добуштарды ала алышкан жок. (IJz)
