Майлысуудагы мектеп окуучуларынын массалык уулануусу боюнча Кылмыш жаза кодексинин 256-258-беренелери боюнча кылмыш иши козголгон. Бүгүн Башкы прокуратуранын бир нече кызматкеринен турган атайын топ бул факты боюнча ишти иликтөө үчүн түштүккө жөнөп кетишти. Балдардын массалык уулануусуна байланыштуу иштин иликтенишин Баш прокурор Элмурза Сатыбалдиев өзү көзөмөлгө алмакчы, деп кабарлайт Башкы прокуратуранын маалымат кызматы. (ZKo)
