Кумбел айыл өкмөтүнүн башчысы болуп 5 жыл иштеген Догдурбек Алсеитов 11-февралда губернатордун буйругу менен жумуштан бошоп, 19да үйүнүн короосунан муунуп каза тапты. 52 жаштагы маркумдун жашоодон минтип аша кечкенин анын үстүнөн козголгон кылмыш иши менен байланыштыргандар бар. Анткени райондук прокуратура Догдурбек Алсеитов кызмат абалынан пайдаланып, Корумду айылынан өзүнө 12 сотых жер чыгарып алган жана балдардын ден-соолук чыңдоо борборунун курулуш үчүн бөлүнгөн 73 сотых жерди Сулайманов сатып ийгенге жол берген деген кине менен кылмыш ишин козгогон. Бирок райондук бийлик Догдурбек Алсеитовдун өлүмү кызматына тиешеси жок экенин белгилеп, айыл өкмөттүк мөөнөтү бүткөңдүктөн өз каалоосу менен кеткенин маалымдады. (RB)
