“Эркиндик”, “Жаңы Кыргызстан” саясий партияларынын, “Март ыңкылабын коргоо” комитетинин Жалалабат облустук аялдар комитетине чогулган өкүлдөрү маалымат жыйынында Коомдук парламентке каршы экендигин билдиришти. Алар мамлекетте бир гана парламент болушу керек, ошондуктан Адилет министрлиги аны каттоодон өткөрбөшү керек деген талаптарын жарыя кылышты. Андан тышкары азыркы президент өз мөөнөтүнүн аягына чейин иштөөсү үчүн коомчулук мүмкүнчүлүк бериш керек дешип, оппозиция өкүлдөрүнүн аракеттерин сынга алышты. “Акыйкат үчүн” кыймылынын координациялык кеңешинин төрагасы Аликбек Жекшенкулов бул окуяны бийликтин буйругу менен жасалып жаткан иш деп билдирди.(BD)
