18-мартта Конституциялык мыйзамдар, мамлекеттик түзүлүш, мыйзамдуулук жана адам укуктары боюнча комитети “1916-жылдагы кайгылуу күндөр” тууралуу токтом долбоорун кабыл алып, парламенттин кароосуна сунуштады. Бул тууралуу парламент депутаты Бейшенбек Абдыразаков “Азаттыкка” берген маегинде билдирди. Анын айтымында, кыргыздардын 1916-жылдагы үркүндөгү кайгылуу окуясын бүгүнкү жана келечектеги урпактар унутпашы керек. “Боом капчыгайынын кире беришинде үркүндүн 90 жылдыгына карата курулган эстеликтин жанында “Үркүн ордо” тарыхый-маданий комплекси курулуп, жылыга үркүндө шейит кеткендерди эскерип туруу бүгүнкү атуулдардын парзы”,-дейт Абдыразаков. (AJ)
