Бул тууралуу өлкөнүн чек ара кызматынын маалымат кызматы билдирди.26-мартта Тажикстандын Исфара районун акими баш болгон 150дөй тажик атуулу Кыргызстан жерине кирип келип, дамбаны бузуу менен суу буруп кетүүгө аракеттенген. Аларды кыргыз чек арачылардын курал колдонуу мүмкүнчүлүгү гана токтотуп калган. Окуя болгон жерге Баткен район жетекчилиги келип, тараптардын сүйлөшүүсү менен маселе чечилген. Мына ушул окуядан кийин Баткен районунда чек арачылар күчөтүлгөн тартипте кызмат кылууга өткөрүлдү.(AiT)
