Түп шаарчасында кечээ өткөн коомдук жыйын Ысыккөлдөгү талаштуу маселелер боюнча көз карандысыз эксперттик комиссия түзүү демилгесин көтөрдү. Сунуштарга караганда эксперттик комиссия адистерден жана жарандык лидерлерден куралып, алар Каркырадагы чегарага, Казакстан курду деп саналып жаткан Ысыккөл районундагы төрт пансионатка жана Кумтөр алтын кенине байланышкан маселелерди өз алдынча иликтеши керек. Коомдук жыйын ушундай мазмундагы кайрылууну Президенттин жана Жогорку Кеңештин дарегине жолдоо чечимин кабыл алды.(BuS)
